حرامي لابس بشت

السلام عليكم ورحمه الله وبركاته


شلونكم يا أهل السوالف والعلوم الزينه


جت على بالي سالفه صارت لجدتي وعمتي
فاحبيت اشاركم واوسع صدوركم فيها..

السافه ياطويلين العمر

يوم من الايام جدتي وعمتي وهم نايمين بأخر الليل وماكان بالبيت الا هم

الا وعمتي تنبه و تسمع صوت بالحوش

وهي اللي تقوم على حيله وتصحي جدتي وتقول لها اسمع صوت برى

وتقوم جدتي وتمسك معها عصى << لزوم الدفاع

ويطلعون برى والحوش كان اظلم و ماكان فيه ذاك النور من زمان

وتشوف عمتي من بعيد شي اسود بأقصى الحوش << بأخره

وتقول عمتي لجدتي اشوف حرامي جالس ولابس بشت وعمتي بعد كانت ماهنا شوف مره


وتقول جدتي لعمتي امسكيني(جدتي كانت كفيفه وماتشوف) مع ايدي ووديني له واذا وصلنا له علميني << ياحبيلها كانت بتجلده


ويوم راحوا له ووصلوا وطرااااااخ جدتي على هالحرامي المزعوم

ويسمعون هالصوت الغريب

طلع هالحرامي قدر كبير حق ذبايح وغاسلينه وقالبينه بطرف الحوش وصاير من برى اسود من النار والطبخ

والصوت اللي بالحوش طلعت بسه(قطوه) تخرفش حول القدر

ويحسبون هالقدر الاسود حرامي جالس ولابس بشت(حرامي كاشخ هههههههههه)

وطلع مافيه لاحرامي ولايحزنون..



وسلامتكم